Муҳим саналар

2017-01-09 14:47:53


Муҳим саналар




1991 йил 6 сентябрь
Ўзбекистон Республикаси Президентининг Мудофаа ишлари вазирлигини ташкил этиш тўғрисидаги Фармони эълон қилинди. 


1992 йил 14 январь

Республика Олий Кенгашининг «Ўзбекистон Республикаси ҳудудида жойлашган ҳарбий қисмлар ва ҳарбий ўқув муассасалари тўғрисида» тарихий қарори қабул қилинди. Бунга кўра, мамлакатимиз ҳудудидаги ҳарбий тузилмалар республика тасарруфига олинди. 



.

1992 йил 3 июль

Ўзбекистон Республикаси Олий Кенгашининг ўн иккинчи чақириқ ўнинчи сессиясида «Мудофаа тўғрисида», «Умумий ҳарбий мажбурият ва ҳарбий хизмат тўғрисида», «Муқобил хизмат тўғрисида»ги Қонунлари қабул қилинди, Ҳарбий қасамёднинг янги матни, Ўзбекистон Республикаси Президентининг Мудофаа ишлари вазирлигини Ўзбекистон Республикаси Мудофаа вазирлигига айлантириш тўғрисидаги Фармони тасдиқланди.



1993 йил 15 январь
Ўзбекистон Республикаси Президенти билан Қуролли Кучлар раҳбарияти ўртасида учрашув бўлиб ўтди. Мудофаа вазирлиги раҳбарияти ходимлари таркиби билан бўлиб ўтган учрашувда ҳарбий қурилиш, Ўзбекистоннинг ҳарбий сиёсати, шунингдек Қуролли Кучларни қайта қуриш ва ислоҳ этиш билан боғлиқ долзарб масалалар муҳокама қилинди.


1993 йил 22 ноябрь
Ўзбекистон Республикаси Президентининг «Ўзбекистон Республикаси Қуролли Кучлари ҳарбий қисмининг Жанговар байроғи тўғрисида» ги Фармони билан Қуролли Кучлар Жанговар байроғининг ягона намунаси белгиланди ва Жанговар байроқ тўғрисидаги қоида тасдиқланди


1993 йил 29 декабрь

Ўзбекистон Республикасининг Қонунига биноан 14 январь – Ватан ҳимоячилари куни сифатида белгиланди.



1994 йил 18 март

Ўзбекистон Республикаси Президентининг ташаббуси, Вазирлар Маҳкамасининг қарори билан Жиззах авиация олий ҳарбий билим юрти ташкил этилди.



1994 йил 15 июль

Ўзбекистон Республикаси Вазирлар Маҳкамасининг «Ўзбекистон Республикаси Қуролли Кучлари академиясини ташкил этиш тўғрисида» ги қарори эълон қилинди.



1994 йил 3 октябрь
Ўзбекистон Республикаси Вазирлар Маҳкамасининг «Муддатли ҳарбий хизматчиларига ва уларнинг оила аъзоларига қўшимча имтиёзлар бериш тўғрисида» ги қарори эълон қилинди.


1995 йил 11 январь

Ўзбекистон Республикаси ПрезидентинингФармонига мувофиқ Қуролли Кучлар ташкил топганлигининг 3 йиллиги ва Ватан ҳимоячилари куни муносабати билан бир гуруҳ ҳарбий хизматчилар юксак давлат мукофотлари билан тақдирланишди. 



1995 йил август

Ўзбекистон ҳарбийлари илк бор «Тинчлик йўлидаги ҳамкорлик» дастури доирасида халқаро машқларда иштирок этишди.



1995 йил 30 август

Ўзбекистон Республикаси Олий Кенгашининг биринчи чақириқ учинчи сессиясида Ўзбекистон Республикаси Ҳарбий Доктринаси қабул қилинди. 



1995 йил 2 сентябрь

Ўзбекистон Республикаси Президенти, Қуролли Кучлар Олий Бош Қўмондони Ислом Каримов Марказий Осиё минтақасида биринчи бўлган Қуролли Кучлар академиясининг очилиш маросимида иштирок этди ва нутқ сўзлади.



1996 йил 9 октябрь

Ўзбекистон Республикаси Президенти, Қуролли Кучлар Олий Бош Қўмондони Ислом Каримов Фармонига биноан Ўзбекистон Республикаси Қуролли Кучларининг Ички хизмат низоми, Ўзбекистон Республикаси Қуролли Кучларининг Интизом низоми, Ўзбекистон Республикаси Қуролли Кучларининг гарнизон ва қоровуллик хизмати низоми тасдиқланди.



1996 йил 14 октябрь

Мудофаа вазирининг буйруғига мувофиқ Ўзбекистон Республикаси Қуролли Кучларининг Саф низоми амалга киритилди. 



1997 йил май
Ўзбекистон Республикаси Мудофаа вазирлиги, республика «Камолот» ёшлар ижтимоий ҳаракати ва бир қатор давлат, жамоат ташкилотлари билан ҳамкорликда илк бор ташкил этилган «Шунқорлар» ҳарбий-спорт ўйинларининг финал босқичи Чирчиқ олий танк қўмондонлик-муҳандислик билим юртида бўлиб ўтди. 



1997 йил июль
Тошкент, Чирчиқ ва Самарқанддаги олий ҳарбий билим юртларидан илк бор Қуролли Кучларимизга тўпчи, зенитчи, десантчи, таъминот хизмати каби мутахасисликлар бўйича офицерлар дастлабки харбий унвонга эга бўлди.


1997 йил 26 июль

Ўзбекистон Республикаси Қуролли Кучлар академиясининг биринчи битируви бўлиб ўтди.



1997 йил 29 август

Ўзбекистон Республикаси Олий Мажлиси томонидан Ўзбекистон Республикаси миллий хавфсизлик концепцияси қабул қилинди



1997 йил 14 октябрь

Ўзбекистон Республикаси Президенти, Қуролли Кучлар Олий Бош Қўмондони Ислом Каримов ташаббуси билан ташкил этилган Жиззах олий ҳарбий авиация билим юрти курсантларининг илк битирув тантаси бўлиб ўтди.



1998 йил 23 февраль

Ўзбекистон Республикаси Президенти Ўзбекистон Республикаси ҳарбий қисмларида интизомни мустаҳкамлаш чора-тадбирларига доир фармонига имзо чекди.



1998 йил июнь
Ўзбекистонлик ҳарбийлар «Кооператив оспрей -98» халқаро тинчликни сақлаш машғулотларида иштирок этишди



1998 йил 8 июль

Шоҳимардонда сув тошқинидан азият чеккан қишлоқ аҳлига ҳарбий хизматчилар ёрдамга етиб келишди. 



1999 йил 3 март

Ўзбекистон Республикаси Президенти «Ўзбекистон Республикасининг Ҳарбий прокуратурасини ташкил қилиш тўғрисида» ги Фармонга имзо чекди.



1999 йил 20 август

Ўзбекистон Республикасининг «Ўзбекистон Республикасининг давлат чегараси тўғрисида» ги Қонуни қабул қилинди. 



1999 йил 23 сентябрь

Ўзбекистон Республикаси Президенти «Ўзбекистон РеспубликасиҲарбий судини ташкил қилиш тўғрисида» ги Фармонга имзо чекди. 



1999 йил ноябрь

Тошкент вилояти Янгиобод туманида пайдо бўлган бир гуруҳ қуролланган террорчиларни ҳарбий хизматчиларимиз бартараф этишиб, жанговар топшириқни аъло даражада бажаришди. 



2000 йил 3 февраль

Миллий хавфсизлик кенгаши йиғилишида Ўзбекистон Республикаси Мудофаа Доктринаси муҳокама қилинди ва маъқулланди. 



2000 йил 26 май

Ўзбекистон Республикасининг «Фуқаро муҳофазаси тўғрисида» ги Қонуни қабул қилинди. 



2000 йил август

Сурхондарё вилоятининг Сариосиё, Узун туманларида бир сарҳадларимизга суқилиб кирган бир гуруҳ жангариларга қарши ҳарбий хизматчиларимиз мардонавор кураш олиб боришди. 



2001 йил январь

Ўзбекистон Республикаси Вазирлар Маҳкамасининг Қуролли Кучлар сержантлари таркибини тайёрлаш тизимини такомиллаштириш тўғрисида қарори қабул қилинди. Мазкур қарорга асосан Тошкент, Марказий, Жануби-ғарбий ва Шарқий ҳарбий округларида Сержантлар тайёрлаш мактаблари ташкил этилди. 



   



Хато тўғрисида маълум қилиш Транслит